Bakit nagbago ang presyo ng Netflix mo

Puwedeng magbago ang mga plan at presyo habang patuloy naming pinapaganda ang aming mga serbisyo at dinadagdagan ang mga TV show at pelikula. Puwede ring magkaroon ng mga pagbabago bilng tugon sa mga pagbabago sa local market, tulad ng mga pagbabago sa mga lokal na buwis o inflation.

Narito ang mga sagot sa ilang karaniwang tanong tungkol sa mga pagbabago sa presyo:

Paano ko malalaman na magbabago ang presyo?

Kung magbabago ang presyo ng plan mo, papadalhan ka ng Netflix ng email na may mga detalye tungkol sa pagbabago sa presyo nang hindi bababa sa 1 buwan bago ang billing date kung kailan tataas ang presyo ng plan mo.

Puwede mo ring tingnan ang history ng pagbabayad sa account mo para alamin ang billing date at presyo ng plan mo.

Paano kung hindi ko nakita ang email tungkol sa pagbabago sa presyo?

Kung hindi mo nakita ang email, paki-confirm na tama ang email address na nauugnay sa account mo.

Saan ko puwedeng paghambingin ang mga plan at presyo sa Netflix?

Puwede mong paghambingin ang mga plan at presyo namin ngayon at puwede kang magpalit ng plan kahit kailan.

Puwede bang ang dating presyo ng plan ang bayaran ko?

Kapag nag-announce ng pagbabago ng presyo, malalapat ang mga bagong presyo ng plan sa lahat. Puwede kang magpalit ng plan kahit kailan.

Bakit ako siningil para sa mas mahal na plan?

Kung na-upgrade mo o ng sinumang nasa tirahan mo ang Netflix plan mo, makikita sa bill mo ang mas mahal na presyo ng plan. Kasama rito ang mga special na sign-up offer o offer sa upgrade para sa limitadong panahon. Kapag tapos na ang offer, posibleng singilin ka ng presyo ng mas mahal na plan. Tingnan ang email o text n natanggap mo noong nagsimula ang offer para sa mga orihinal na detalye.