Netflix Error ATV-ui92
Kung nakikita mo ang error code na ATV-ui92 sa Apple TV mo, na madalas na may kasamang ganitong message:
Hindi makapag-sign in
Ang inilagay mong pangalan o password ng account ay walang katugmang account sa records namin.
Karaniwang nangyayari ang error na ito dahil sa problema sa proseso ng pag-sign in mo. Sundin ang steps para sa pag-troubleshoot sa ibaba para ayusin ang problema.
Kung ginagamit mo ang Remote app sa Apple mobile device:
Lumipat sa original na Apple TV remote, pagkatapos ay subukang mag-sign in ulit.
Kung hindi mo ginagamit ang Remote app sa Apple mobile device:
I-check kung tama ang inilalagay mong password.
Kung hindi ka pa rin makapag-sign in, magpadala ng password reset email sa sarili mo (o mag-mobile reset, kung ibinigay mo ang phone number mo).
Bibigyan ka ng email na ito ng link para automatic kang makapag-sign in sa Netflix. Pagkatapos, hihilingin sa iyong gumawa ng bagong password.
Siguraduhing gagamitin mo ang link sa loob ng 24 na oras dahil mag-e-expire ito. Kapag nag-expire na ang link, huwag mag-alala -- puwede kang magpadala ulit sa sarili mo ng isa pang password reset email.
I-reset ang lahat ng settings sa Apple TV mo
Para ayusin ang problema:
Sundin ang steps ng Apple para i-reset o i-restore ang Apple TV mo sa factory settings nito.
Pagkatapos i-reset ang Apple TV mo at kumpletuhin ang paunang setup, subukan ulit ang Netflix.
Ano ang susunod kong gagawin?
Kung nakakaranas ka pa rin ng ganitong error pagkatapos mong mag-full factory reset, baka may hindi maaayos na problema sa device mo. Makipag-ugnayan sa manufacturer ng device mo para sa karagdagang tulong.