Paano ko gagamitin ang computer ko para manood ng Netflix sa TV ko?

Kung may Chromecast device ka na naka-connect sa TV mo o may Chromecast built-in ang TV mo, puwede mong gamitin ang Chrome browser sa computer mo para i-cast ang Netflix sa TV mo.

1. Sa computer mo, buksan ang Chrome browser (version 72 o mas bago).

2. Mag-sign In sa netflix.com.

3. Piliin ang icon na Higit Pa sa kanang sulok sa itaas o ibaba ng browser.

4. Piliin ang Cast icon sa kanang bahagi sa itaas o ibaba ng screen.

5. Piliin ang computer mo mula sa list ng mga available na device para i-cast ang Netflix sa TV mo.

6. Pumili ng papanooring TV show o pelikula at pindutin ang I-play. Puwede mong kontrolin ang playback mula sa computer mo.

Puwede kang gumamit ng external cable para i-connect ang desktop o laptop computer sa TV mo para mai-display ang computer sa TV mo. Nag-iiba-iba ang mga cable connection depende sa mga kinakailangan sa output ng computer at input ng TV.

Kailangan mong alamin ang mga tamang cable connection o adapter na kailangan para sa configuration ng computer at TV mo. Kung hindi mo alam ang mga uri ng connection mo, tingnan ang mga manual ng computer o TV mo, o makipag-ugnayan sa manufacturer ng device para sa higit pang impormasyon.

• Gagamit ng mga HDMI connection ang mga mas bagong TV.

• Gagamit ng Type C (tinatawag ding USB-C) o Thunderbolt connection ang karamihan sa mga mas bagong Apple computer.

• Gagamit ng Display Port o HDMI connection ang karamihan sa mga mas bagong PC computer.

Kapag gumagamit ng mga compatible na connection para manood ng Netflix, baka may mapansin kang pagkakaiba sa display ng mga sini-stream at na-download na title.