Sabi ng Netflix, 'Pasensya na, hindi kami maka-connect sa serbisyo ng Netflix. (-100).'
Kung may nakikita kang error na nagsasabing
Pasensya na, hindi kami maka-connect sa serbisyo ng Netflix (-100)
Karaniwang ibig sabihin nito na may impormasyong naka-store sa device mo na kailangang i-refresh. Sundin ang steps para sa pag-troubleshoot para sa device mo sa ibaba para ayusin ang problema.
Amazon Fire TV/Stick
I-restart ang device mo
I-off ang device mo. Kung may power cable ang device mo, bunutin ito sa saksakan.
Siguraduhing naka-off nang tuluyan ang device mo, hindi lang naka-sleep o standby mode.
Hayaang naka-off ang device mo nang 15 segundo.
I-on ang device mo at subukan ulit ang Netflix.
I-restore ang default na settings ng Amazon Fire TV mo
Pakitandaan na kapag ginawa mo ang steps na ito, maki-clear ang kahit anong data na posibleng na-store mo sa Amazon Fire TV mo. Puwedeng kasama rito ang mga app, naka-save na password, o iba pang impormasyon. Bago magpatuloy, siguruhing may access ka sa login information para sa kahit anong app o serbisyo, kasama ang password para sa Wi-Fi network mo.
Pindutin ang Home button sa remote mo.
Piliin ang Settings.
Piliin ang System o Device.
Piliin ang Restore to Factory Defaults.
Subukan ulit ang Netflix.
Kung hindi ka pa rin makapag-stream pagkatapos mong gawin ang steps na ito, makipag-ugnayan sa Amazon para sa karagdagang tulong.
Ano ang susunod kong gagawin?
Kung nakakaranas ka pa rin ng ganitong error pagkatapos mong mag-full factory reset, baka may hindi maaayos na problema sa device mo. Makipag-ugnayan sa manufacturer ng device mo para sa karagdagang tulong.
Smart TV
I-restart ang device mo
Bunutin sa saksakan ang device mo.
Pindutin nang isang beses ang power button sa device at maghintay nang 1 minuto, o kaya ay hayaan itong nakabunot sa saksakan nang 3 minuto.
I-plug ulit ang device mo.
I-on ang device mo at subukan ulit ang Netflix.
Makipag-ugnayan sa manufacturer ng device mo
May problema sa hardware o software ang device mo na ang manufacturer lang ng device ang makakalutas. Para makabalik sa panonood ng Netflix, mainam na makipag-ugnayan sa manufacturer ng device mo at hingin ang sumusunod:
Tulong sa pag-upgrade sa pinakabagong firmware para sa device.
Kung na-update na ang device mo o walang available na update, posibleng may ibang suhestyon ang manufacturer mo para ayusin ang device. Kung wala silang karagdagang steps, o hindi pa rin naayos ng karagdagang steps ang problema, kakailanganin mong gumamit ng ibang device kung saan naka-enable ang Netflix para patuloy na makapag-stream.