Paano gamitin ang Netflix sa Google Home at Google Assistant

Puwede mong gamitin ang Google Home at ang Google Assistant para makontrol ang mga naka-connect na Chromecast device at pumili ng mga TV na may Chromecast built in.

• Kailangan ng mga TV na may Chromecast built in ang Cast version 1.21 o mas bago.

• Hindi lahat ng TV na may Chromecast built in ay compatible sa Google Home voice control.

Para i-link ang Netflix account mo sa Google Assistant:

Una, i-link ang mga device mo gamit ang Google Home app. Pagkatapos, i-link ang Netflix sa Google account mo:

1. Buksan ang Google Home app.

2. Piliin ang Settings.

3. Sa Services, piliin ang Video.

4. Hanapin ang Netflix, i-tap ang Link, at piliin ang Link Account.

5. Ilagay ang email at password mo sa Netflix at piliin ang Sign in and Link.

6. Pumili ng Netflix profile na ili-link sa Google Assistant.

Makokontrol mo na ngayon ang Netflix sa mga Google Home-connected device mo gamit ang voice controls ng Google Assistant.

Para palitan ang Netflix profile na naka-link sa Google Assistant:

1. Buksan ang Google Home app.

2. Piliin ang Settings.

3. Sa Services, piliin ang Video.

4. Hanapin ang Netflix at i-tap ang Manage.

5. I-tap ang Change Profile at piliin ang Netflix profile na ili-link sa Google Assistant.

Para ma-unlink ang Netflix account mo sa Google Assistant:

1. Buksan ang Google Home app.

2. Piliin ang Settings.

3. Sa Services, piliin ang Video.

4. Hanapin ang Netflix, i-tap ang Unlink, at piliin ang Unlink Account.

Hindi na naka-link ang Netflix account mo sa Google Assistant.