Sabi ng Netflix, 'Hindi na available ang Netflix sa device na ito.'

Palagi kaming nagsisikap na makapagbigay ng tuloy-tuloy, dekalidad, at secure na karanasan sa Netflix. Kung hindi na nakakatanggap ang device ng mga kinakailangang update mula sa manufacturer na ito o hindi na ito nakaka-support ng mga bagong feature, puwede naming ihinto ang support para dito.

Puwede mong gamitin ang phone o tablet mo para manood ng Netflix sa TV mo gamit ang video cable/adapter o sa pag-cast ng Netflix sa TV kung saan supported ang Chromecast, Miracast, o 2nd screen. Para alamin kung sinu-support ng TV mo ang pag-cast, tingnan ang manual ng device o makipag-ugnayan sa manufacturer.

Para alamin pa, tingnan ang Paano gumamit ng mobile device para manood ng Netflix sa TV.

Kung hindi na supported ang device mo ng Netflix at gusto mong ihinto ang paggamit nito, pag-isipang i-repurpose, i-refurbish, o i-recycle ito:

• I-repurpose: Puwede mong i-reuse ang device mo para sa iba pang magagawa sa screen o i-donate ito sa lokal na organisasyon.

• I-refurbish o I-recycle: Alamin kung nag-aalok ng trade-in o recycling program ang retailer/manufacturer ng device. Kung hindi, i-recycle ang device sa malapit na e-waste o electronics recycling facility.

  Para sa privacy at seguridad mo, lubos naming inirerekomendang i-factory reset o i-delete mo muna ang personal data sa device mo bago ito i-donate o i-trade. Para alamin kung paano i-reset ang device mo, tingnan ang manual ng device o makipag-ugnayan sa kumpanyang gumawa nito.