Netflix Error UI-100
Kung nakikita mo ang error code na UI-100, na madalas na may kasamang ganitong message:
Hindi maka-connect sa Netflix. Pakisubukan ulit o pumunta sa: www.netflix.com/help
Karaniwang ang ibig sabihin nito ay may impormasyong naka-store sa device mo na kailangang i-refresh. Sundin ang steps para sa pag-troubleshoot para sa device mo sa ibaba para ayusin ang problema.
Set-top Box
I-off ang device mo, pagkatapos ay bunutin sa saksakan ang modem at router mo.
Pagkalipas ng 30 segundo, isaksak ang modem at router mo.
Maghintay nang 1 minuto, pagkatapos ay i-on ang device mo.
Subukan ulit ang Netflix.
Smart TV
Mag-sign out sa Netflix
Pumunta sa home screen ng Netflix, at pumunta sa kaliwa para buksan ang menu.
Sa ibaba, piliin ang Humingi ng Tulong > Mag-sign out > Oo.
Mag-sign in ulit, pagkatapos ay subukan ulit ang Netflix.
Kung nasa error screen ang device mo:
Pindutin ang More Details.
Pindutin ang Sign out o Reset.
Mag-sign in ulit, pagkatapos ay subukan ulit ang Netflix.
Kung hindi mo mahanap ang Humingi ng Tulong o Mag-sign out:
Gamit ang remote mo, pindutin ang mga button na ito sa ganitong pagkakasunod-sunod: Up, Up, Down, Down, Left, Right, Left, Right, Up, Up, Up, Up.
Sa lalabas na menu, pindutin ang Mag-sign out, I-reset, o I-deactivate.
I-restart ang device mo
Bunutin sa saksakan ang device mo.
Pindutin nang isang beses ang power button sa device at maghintay nang 1 minuto, o kaya ay hayaan itong nakabunot sa saksakan nang 3 minuto.
I-plug ulit ang device mo.
I-on ang device mo at subukan ulit ang Netflix.
Lahat ng iba pang device
Inaasikaso na namin ang problemang ito. Para tulungan kaming magsiyasat, makipag-ugnayan sa amin.