Paano Gumagana ang System ng mga Rekomendasyon ng Netflix

Ang negosyo namin ay isang subscription service model na nag-o-offer ng mga personalized na rekomendasyon, para tulungan kang maghanap ng mga show at pelikulang interesante para sa iyo. Para magawa ito, gumawa kami ng proprietary at kumplikadong system ng mga rekomendasyon. Nagbibigay ang article na ito ng high level na paglalarawan ng aming system ng mga rekomendasyon sa madaling maunawaang paraan.

Ang mga basic

Kapag ina-access mo ang serbisyo ng Netflix, sinusubukan ng aming system ng mga rekomendasyon na tulungan kang makahanap ng show o pelikulang mae-enjoy mo nang hindi masyadong nag-e-effort. Tinatantya namin ang posibilidad na papanoorin mo ang isang partikular na title sa aming catalog batay sa ilang salik kasama ang:

• mga interaction mo sa serbisyo namin (tulad ng history ng panonood mo at kung paano mo ni-rate ang ibang title),

• iba pang member na pareho ang mga hilig at preference sa serbisyo namin, at

• impormasyon tungkol sa mga title, tulad ng genre, mga kategorya, mga aktor, taon ng release, atbp.

Bukod sa impormasyon sa kung ano ang pinanood mo sa Netflix, para ma-personalize ang mga rekomendasyon sa pinakamahusay na paraan, tinitingnan din namin ang mga bagay-bagay tulad ng:

• kung anong oras ka nanonood,

• mga device na ginagamit mo para manood ng Netflix, at

• gaano ka katagal nanonood.

Ginagamit ang lahat ng piraso ng data na ito bilang mga input na pinoproseso namin sa aming mga algorithm. (Ang algorithm ay isang proseso o set ng rules na sinusunod sa isang problem solving operation.) Hindi isinasama sa system ng mga rekomendasyon ang demographic information (tulad ng edad o kasarian) bilang bahagi ng proseso ng paggawa ng desisyon.

Kung may gusto kang panoorin na hindi mo makita, puwede kang mag-search na lang sa buong catalog na available sa bansa mo. Sinusubukan naming gawing madali at mabilis ang pag-search hangga't posible. Kapag naglagay ka ng search query, nakabatay ang mga nangungunang resultang ibabalik namin sa mga pagkilos ng ibang miyembrong naglagay ng mga pareho o katulad na query.

Makikita sa ibaba ang paglalarawan ng kung paano gumagana ang system sa paglipas ng panahon, at kung paano naiimpluwensyahan ng mga piraso ng impormasyong ito kung ano ang ipinapakita namin sa iyo.

“Pag-jump start” sa system ng mga rekomendasyon

Kapag ginawa mo ang Netflix account mo, o kapag nagdagdag ka ng bagong profile sa account mo, hihingin namin sa iyong pumili ng ilang title na gusto mo. Ginagamit namin ang mga title na ito para “i-jump start” ang mga rekomendasyon mo. Optional ang pagpili ng ilang title na gusto mo. Kung pipiliin mong huwag gawin ang step na ito, magsisimula kami sa iba't iba at sikat na title para makapagsimula ka.

Kapag nagsimula ka nang manood ng mga title sa serbisyong ito, “mangingibabaw” ito sa kahit anong paunang preferences na ibinigay mo sa amin, at habang patuloy kang nanonood sa paglipas ng panahon, mahihigitan ng mga title na kakapanood mo lang ang mga title na pinanood mo dati pagdating sa pag-impluwensya sa aming system ng mga rekomendasyon.

Mga row, ranking, at representation ng title

Bukod sa pagpili ng mga title na isasama sa mga row sa Netflix homepage mo, nira-rank din ng system namin ang bawat title na kasama sa row, at pagkatapos ay nira-rank nito ang mismong mga row, gamit ang mga algorithm at kumplikadong system para makapagbigay ng personalized experience. Sa madaling salita, kapag tiningnan mo ang Netflix homepage mo, na-rank ng mga system namin ang mga title sa paraang idinisenyo para ipakita ang pinakamagandang pagkakasunod-sunod na posible ng mga title na baka ma-enjoy mo.

Sa bawat row, may tatlong layer ng pag-personalize:

• ang piniling row (hal. Ituloy ang Panonood, Trending Ngayon, Mga Premyadong Comedy, atbp.)

• kung aling mga title ang lalabas sa row, at

• ang ranking ng mga title na iyon.

Nasa itaas ang mga lubos na inirerekomendang row. Nagsisimula sa kaliwa ng bawat row pakanan ang mga lubos na inirerekomendang title -- maliban kung pinili mo ang Arabic o Hebrew bilang wika mo sa mga system namin, magsisimula ito sa kanan pakaliwa.

Paano namin pinapahusay ang aming system ng mga rekomendasyon

Kumukuha kami ng feedback sa bawat pagpunta sa serbisyo ng Netflix at tuloy-tuloy naming tine-train ulit ang mga algorithm namin gamit ang mga signal na iyon para mapahusay ang katumpakan ng hula ng pinakamalamang na panoorin mo. Patuloy na nagsisilbing feed sa isa't isa ang aming data, mga algorithm, at mga computation system para makabuo ng mga bagong rekomendasyong magbibigay sa iyo ng produktong nakakapagpasaya sa iyo.