Paano magdagdag, mag-edit o mag-alis ng PIN ng profile

Para paghigpitan ang access sa isang partikular na profile sa account mo, puwede mo itong protektahan gamit ang Profile Lock PIN. Ilalagay mo ang PIN na ito para buksan ang profile o mag-play ng mga title na na-download mula dito.

Android phone o tablet, iPhone o iPad

1. Buksan ang Netflix app.

2. Sa kanang bahagi sa ibaba, i-tap ang Netflix Ko .

3. Sa kanang bahagi sa itaas, i-tap ang menu .

4. I-tap ang I-manage ang Mga Profile , then choose the profile you want to edit.

5. I-tap ang Profile Lock .

6. Mag-add, mag-edit, o mag-alis ng profile PIN.

   Para mag-add ng profile PIN, i-tap ang Gumawa ng Profile Lock.

   1. I-verify ang identity mo sa pamamagitan ng paglalagay ng password ng Netflix account mo.

      Tandaan: Kung wala kang password para sa account mo, sundin ang steps sa ilalim ng "Web browser" para baguhin na lang ang settings mo.

   2. Maglagay ng 4 na number para gumawa ng Profile Lock PIN.

   Para mag-edit ng profile PIN, i-tap ang Mag-edit ng PIN.

   1. Ilagay ang kasalukuyan mong PIN.

   2. Ilagay ang bago mong PIN.

   Para mag-alis ng profile PIN, i-tap ang I-delete ang Profile Lock.

   1. Ilagay ang kasalukuyan mong PIN.

   2. I-tap ang Oo para i-confirm.

Web browser

1. Gamit ang browser, pumunta sa Account page mo.

2. Piliin ang Mga Profile, at pumili ng profile.

3. Piliin ang Profile Lock.

4. Mag-add, mag-edit, o mag-alis ng profile PIN.

   Para mag-add ng profile PIN, i-click ang Gumawa ng Profile Lock.

   1. Maglagay ng 4 na number para gumawa ng Profile Lock PIN mo at i-click ang I-save ang PIN.

   Para mag-edit ng profile PIN, i-click ang I-edit ang PIN.

   1. Para ma-verify ang identity mo, maglagay ng code na ipinadala sa email o mobile phone number mo, o ilagay ang password ng Netflix account mo.

   2. Ilagay ang bago mong PIN at i-click ang I-save ang PIN.

   3. Para humingi ng PIN sa tuwing may idaragdag na bagong profile sa account mo, lagyan ng check ang kahon para Humingi ng PIN para magdagdag ng mga bagong profile.

      Tandaan: Mapipili lang ito kapag nagdadagdag ng Profile Lock para sa main (unang) profile.

   Para mag-alis ng profile PIN, i-click ang I-delete ang Profile Lock.

   1. Para ma-verify ang identity mo, maglagay ng code na ipinadala sa email o mobile phone number mo, o ilagay ang password ng Netflix account mo.

Baka kailangang i-refresh ang device mo para makuha ang updated settings. Para mag-refresh:

• Lumipat sa ibang profile, pagkatapos ay bumalik.

• O, mag-sign out sa device mo at mag-sign in ulit.

Paano mag-recover ng Profile Lock PIN

Kung nakalimutan mo ang Profile Lock PIN, i-tap o piliin ang Nakalimutan mo ba ang PIN? o pumunta sa netflix.com/account at sundin ang steps sa itaas para i-edit o alisin ang PIN mo.