Paano gumagana ang game saves sa Netflix?
Nase-save ang games sa profile na pinili mo sa paglalaro ng game, sa pamamagitan ng cloud saves o sa device mo mismo.
Ano ang cloud saves?
Ang cloud saves ay naka-store online. Gaya ng pagsi-stream ng mga paborito mong TV show at pelikula, makakapagpatuloy ka kung saan ka tumigil sa game sa kahit aling device sa pamamagitan ng paggamit sa parehong account at profile.
Puwede kang mag-check ng support sa cloud save sa Support page ng game. Humanap ng game na nakalista sa Netflix Games, o i-search ito gamit ang pangalan nito.
Games na supported ang cloud saves
Naka-store ang game progress sa Netflix account profile mo. Kung aalisin mo ang isang game at pagkatapos ay ida-download ito ulit o ipe-play ang game sa ibang device, makakapagpatuloy ka kung saan ka tumigil.
Kung na-delete ang account profile kung saan mo nilaro ang game, maaalis din ang game saves mo at hindi maire-restore.
Games na hindi supported ang cloud saves
Ang game progress ay mase-save sa device lang at sa iisang Netflix profile. Kung ia-uninstall mo ang game, iki-clear ang game data, o ide-delete ang profile kung saan ka naglaro, permanente mong made-delete ang saves mo para sa game na iyon.
Babalik ulit sa simula ang game
Una, siguraduhing nilalaro mo ang game sa Netflix account at profile kung saan mo ito sinimulan. Makikita mo ang account profile icon sa game. Makakalipat ka sa ibang profile para doon maglaro kung ita-tap mo ang icon.
Kung hindi supported ng game ang cloud saves:
Maipagpapatuloy mo lang ang progress mo sa orihinal na device kung saan ka naglaro dahil naka-store sa device mismo ang save data. Hindi ka makakapagpatuloy kung saan ka tumigil kung maglalaro ka sa ibang device (kahit sa parehong profile).
Kung ini-uninstall at nire-install mo ang game, maaalis din ang save data. Kapag naalis ang save data sa device, walang paraan para ma-recover ito.
Sa ilang games, puwede mong alisin ang save data mula sa settings menu. Kapag naalis ang save data sa device, walang paraan para ma-recover ito.
Puwede ko bang ilipat ang save data ko sa ibang Netflix profile?
Sa ngayon, walang paraan para ilipat ang game saves sa ibang Netflix profile.
Puwede ko bang ilipat ang save data ko sa ibang device?
Kapag nag-upgrade ka sa bagong device, puwedeng ilipat ang game saves mula sa lumang device kapag nag-data transfer. Sa ngayon, walang paraan para manu-manong ilipat ang game data mula sa isang device papunta sa ibang device.
Puwede ko bang ilipat ang mga game save ko mula sa ibang version ng game?
Hiwalay ang mga game na kasama sa Netflix membership mo sa mga version mula sa ibang publisher o developer ng game. Kahit na magkatulad ang mga game, hindi puwedeng ilipat ang progress mo.