Paano mag-update ng Tirahan para sa Netflix

Ang Tirahan para sa Netflix ay isang collection ng mga device na naka-connect sa internet sa pangunahing lugar kung saan ka nanonood ng Netflix. Kapag nag-sign in ka sa Netflix mula sa anumang device na gumagamit ng parehong internet connection ng TV mo, automatic itong iuugnay sa Tirahan para sa Netflix mo. Kung makatanggap ka ng error message sa device mo, baka kailangan mong i-update ang Tirahan para sa Netflix mo.

I-update ang Tirahan para sa Netflix mo

Puwede mong o i-update ang Tirahan para sa Netflix mo kapag nag-sign in ka sa Netflix mula sa karamihan ng mga TV na naka-connect sa internet mo. Kung hindi ka nanonood ng Netflix sa isang TV o wala kang TV, hindi mo kailangang gumawa ng Tirahan para sa Netflix ng account mo.

1. Sa home screen ng Netflix sa TV mo, pindutin ang back button sa remote mo (Menu button sa Apple TV) para i-access ang menu.

   

2. Kung nasa itaas ang menu, pumunta sa kaliwa ng profile icon mo. Kung nasa kaliwa ang menu, pumunta sa ibaba.

   Piliin ang Humingi ng Tulong o Settings, at I-manage ang Tirahan para sa Netflix.

   

   Tandaan: Kung hindi mo makita ang I-manage ang Tirahan para sa Netflix sa menu, kakailanganin mong gumamit ng ibang TV device.

3. Piliin ang I-update ang Tirahan para sa Netflix.

4. Piliin ang Magpadala ng Email . Magpapadala ng verification link sa email address ng account. Mag-e-expire ang mga verification link pagkalipas ng 15 minuto.

   

   Tandaan: Kung walang email address sa account, magkakaroon ka ng option para Magpadala ng Text sa phone number sa account.

5. Kung hindi ka nakatanggap ng verification link sa pamamagitan ng email, i-click ang Magpadala ulit ng Email .

6. Piliin ang Oo, Ako Ito sa email, pagkatapos ay I-confirm ang Update para magpatuloy.

   

7. Makakatanggap ka ng confirmation email at magre-refresh ang TV mo para makapagsimula kang manood.

   

Kung hindi gumana ang steps na ito, baka may ib pang device na naka-connect sa Tirahan para sa Netflix mo na nagdudulot ng problema. Posibleng mangyari ito kapag naka-sign in ka pa rin sa account mo mula sa kamakailangang pananatili sa hotel o bahay ng ibang tao, bilang halimbawa. Para ayusin ang problema:

• Tingnan kung aling mga device ang naka-sign in sa account mo at mag-sign out sa lahat ng hindi kilalang device o piliin ang Mag-sign out sa Lahat ng Device.

• Sundin ang steps sa itaas para i-update ang Tirahan para sa Netflix.

TANDAAN: Ang "Internet connection” ay ang iyong wired o wireless na internet connection. Kung marami kang Wi-Fi network, isa lang ang posible naming iugnay sa Tirahan para sa Netflix mo. Kung gusto mong manood ng Netflix sa device na naka-connect sa Wi-Fi network gamit ang ibang ISP account o na may ibang external na IP address, posibleng hilingin sa iyo na i-verify ang device na iyon bilang bahagi ng Tirahan para sa Netflix mo. Siguraduhing i-update ang Tirahan para sa Netflix mo mula sa isang device na naka-connect sa pinili mo o sa pinakamadalas mong gamiting internet connection.