Paano kokontrolin kung gaano karaming data ang ginagamit ng Netflix

Nag-aalok ang Netflix ng 4 na setting ng paggamit ng data.

Data na ginagamit bawat oras, bawat device:

1. Low: Basic na video quality, hanggang 0.3 GB

2. Medium: Standard na video quality, hanggang 0.7 GB

3. High: Pinakamagandang video quality:

   • Standard definition: hanggang 1 GB

   • High definition: hanggang 3 GB

   • Ultra high definition (4K): hanggang 7 GB

4. Auto: Awtomatikong nag-a-adjust para maibigay ang pinakamataas na posibleng quality, batay sa kasalukuyang bilis ng internet connection mo.

I-adjust ang settings mo ng paggamit ng data

Puwede kang magkaroon ng iba't ibang setting ng paggamit ng data para sa bawat profile sa account mo. Para baguhin ang settings mo:

1. Gamit ang browser, pumunta sa Account page mo.

2. Piliin ang Mga Profile, at pumili ng profile.

3. Piliin ang Settings ng playback.

4. Piliin ang gusto mong setting ng paggamit ng data. Automatic na ise-save ang preference mo.

   Tandaan:Posibleng maapektuhan ang video quality kung paghihigpitan ang paggamit ng data.

Nag-aalok ang Netflix ng 4 na setting ng paggamit ng mobile data:

1. Automatic: Pumipili ang Netflix app ng setting na nagbabalanse ng paggamit ng data at video quality. Puwede kang manood nang hanggang 4 na oras sa bawat GB ng data.

2. Wi-Fi Lang: Mag-stream lang habang naka-connect sa Wi-Fi.

3. Magtipid sa Data: Manood nang nasa 6 na oras sa bawat GB ng data.

4. Maximum Data:

   • Pinakamataas na posibleng quality para sa device mo at sa TV show o pelikulang pinapanood mo.

   • Puwedeng gumamit ng 1 GB bawat 20 minuto o higit pa, depende sa device at bilis ng network mo.

   • Inirerekomenda lang kung may unlimited data plan ka.

I-adjust ang settings mo ng paggamit ng mobile data

Para piliin ang setting na pinakabagay sa mobile data plan mo:

1. Buksan ang Netflix app.

2. Sa kanang bahagi sa ibaba, i-tap ang Netflix Ko.

3. Sa kanang bahagi sa itaas, i-tap ang Menu.

4. I-tap ang Settings ng App.

5. Sa ilalim ng Video Playback, piliin ang Paggamit ng Cellular Data.

   • Para i-adjust ang settings mo ng data ng mga download, i-on o i-off ang Wi-Fi Only sa Mga Download.

6. Piliin ang gusto mong setting at piliin ang OK (kung na-prompt).