Sumali sa Netflix

Paano makuha ang pinakamagandang video quality

Tiyaking pinapanood mo ang Netflix sa pinakamataas na posibleng quality, HD, 4K Ultra HD, o HDR man ito.

Automatic ka dapat na nakakakuha ng pinakamagandang quality, pero kung hindi kasingganda ng inaasahan mo ang lumalabas, posibleng makatulong ang article na ito.

Kung gusto mong palitan ang video quality ng mga na-download mo, tingnan ang Paano palitan ang video quality ng isang download.

Sundin ang steps sa ibaba. Kung gumawa ka ng anumang pagbabago, tumigil at tingnan kung may nangyaring pagbabago bago ka magpatuloy.

Una, may page ng mga detalye ang bawat TV show at pelikula sa Netflix kung saan inilalarawan ang title, maturity rating, at iba pa. May mga video quality label din ang page na nagpapakita sa quality kung paano ipe-play ang title sa device na ginagamit mo.

Resolution (detalye ng image)


4K: Ang pinakamataas na resolution na kasalukuyang available sa Netflix. Tinatawag ding Ultra HD o 4K Ultra HD.


HD: Puwedeng full high definition (1080p) o high definition (720p).

Dynamic range (contrast at colorfulness)

o
Dolby Vision: High dynamic range (HDR) system na binuo ng Dolby Laboratories.


HDR: Isa pang system para sa high dynamic range, na tinatawag ding HDR10 o HDR10+.

Sa karamihan sa mga TV, palaging magpapakita ang Netflix ng resolution label, at kung option ang high definition, magpapakita ito ng label para sa high-definition system na gagamitin para i-play ang title sa TV.

Sa ilang TV at iba pang device, makakakita ka lang ng isang video quality label kahit na higit sa isa ang puwedeng i-apply. Kung supported ng title at device ang high dynamic range, ipapakita iyon ng label. Halimbawa, kung ipe-play ang title sa 4K at supported din ang Dolby Vision sa isang device, ang Dolby Vision label lang ang ipapakita.

Kaya hanapin ang 4K at HD label para malaman ang resolution, at Dolby Vision at HDR label para malaman kung may high dynamic range. Nasa step 5 sa ibaba ang mga title na magagamit para tingnan ang bawat isa.

Tandaan:Baka hindi laging mag-stream sa HDR ang ilang mobile device kahit may makikitang HDR label, halimbawa, kung nasa low power mode ang device o kung gumagamit ito ng cellular connection.

Tingnan kung anong plan ang mayroon ka at tiyaking supported nito ang quality na gusto mo.

Tandaan:Kung nanonood ka sa device na kayang mag-play sa mas magandang quality kaysa sa puwede sa plan mo, posibleng imbitahan ka naming i-upgrade ang plan mo para ganap na masulit ang equipment mo.

Sumusunod ang Netflix sa bilis ng internet connection mo para siguraduhing patuloy kang makakanood. Posibleng mag-stream ito sa mas mababang quality kapag mabagal o hindi patuloy-tuloy ang internet connection.

Tandaan:Minsan, magsisimula ang mga title sa mas mababang resolution at lilipat sa mas mataas na resolution pagkalipas ng ilang sandali.

Sundin ang steps sa ibaba para alamin ang bilis ng internet sa device mo.

  1. Buksan ang Netflix app, at pumili ng profile.

  2. Sa home screen ng Netflix, pumunta sa kaliwa para buksan ang menu.

  3. Sa ibaba, piliin ang Humingi ng Tulong > Suriin ang Network mo.

Tiyaking nasa o mas mataas sa inirerekomendang bilis ng internet ng Netflix para sa gusto mong resolution ang bilis na ipinapakita sa device mo.

  1. Buksan ang Netflix app.

  2. Sa kanang bahagi sa ibaba, i-tap ang Netflix Ko.

  3. Sa kanang bahagi sa itaas, i-tap ang Menu.

  4. I-tap ang Settings ng App.

  5. Mag-scroll pababa at i-tap ang Test ng Bilis ng Internet.

  6. Kapag tapos na ang test, siguraduhing natutugunan ng bilis ng network ang mga rekomendasyon sa bilis ng internet ng Netflix.

Kung may makita kang error message o hindi naglo-load ang website, ang ibig sabihin nito ay hindi naka-connect sa internet ang device mo. Baka kailangan mong i-troubleshoot ang home network mo o ang connection ng mobile device mo sa internet.

Gamit ang browser mo, pumunta sa fast.com at hintaying matapos ang test.

Tiyaking nasa o mas mataas sa inirerekomendang bilis ng internet ng Netflix para sa gusto mong resolution ang bilis na ipinapakita sa browser mo.

Para makuha ang pinakamagandang quality na available para sa plan mo, supported ito dapat ng lahat ng device na ginagamit mo. Kung nasa Premium plan ka at sinusubukan mong manood sa TV gamit ang isang streaming stick at audio receiver, kailangang supported ng lahat ng tatlong device ang 4K para makapanood sa 4K o HDR para makapanood sa HDR.

  • Dapat mo ring tiyaking gumagamit ng pinakabagong software o firmware ang lahat ng device, at kapareho o mas maganda sa quality na gusto mo ang mga setting ng video resolution ng mga ito.

  • Dapat i-support din ng mga video cable at ng mga port kung saan nakasaksak ang mga ito ang quality ng plan mo. Para sa Premium plan, kailangan mong gumamit ng mga Premium High Speed HDMI o Ultra High Speed HDMI na cable. (Hindi ka ba sigurado sa uri ng cable na mayroon ka? Kadalasang naka-print ito sa cable o sa mga dulo ng cable.)

  • Para sa 4K o HDR, siguraduhing nakasaksak ang mga device at cable sa HDMI port na sumu-support sa HDCP 2.2 o mas bago (karaniwang ang HDMI 1 port).

  • Kung hindi natutugunan ng device o cable sa setup mo ang lahat ng kinakailangan para sa isang partikular na quality, magpe-play ang Netflix sa pinakamataas na available na quality para sa device, port, o cable na iyon.


Mga TV at TV streaming device

Puwedeng i-on o i-off ang HDR sa Netflix app sa mga device na may HDR:

  1. Buksan ang Netflix app, at pumili ng profile.

  2. Sa home screen ng Netflix, pumunta sa kaliwa para buksan ang menu.

  3. Sa ibaba, piliin ang Humingi ng Tulong > Video.

  4. Piliin ang Naka-on ang HDR o Naka-off ang HDR.

  5. Ituloy ang panonood sa Netflix.

Tandaan:Posibleng naka-set ang ilang device sa Naka-off ang HDR bilang default .

Available sa HD o 4K ang karamihan (kundi lahat) ng title sa Netflix. Hanapin ang "HD" o "4K" para makita ang mga list ng mga title. Hanapin ang "HD" o "4K" para makita ang mga list ng mga title.

  • Tandaan: Ipinapakita ng page ng mga detalye ang video at audio quality ng title kapag nagpe-play ito sa device mo. Posibleng available ang pelikula sa 4K, pero kung 1080p lang ang device mo, ipapakita sa mga detalye ang HD sa halip na 4K at magpe-play sa 1080p ang title.

  • Mga title na puwedeng gamitin para mag-test:

Kahit na wala kang mapipiling setting para sa resolution, may ilang setting ng account na nakakaapekto sa video quality. Wala naman dapat problema sa default na settings, pero puwede mong i-double-check para tiyaking hindi na-set ang mga ito sa mas mababang quality. Pumunta sa Playback Settings sa web browser para sa profile kung saan mo gustong manood at tiyaking naka-set ang Data usage kada screen para sa target na quality:

  • 4K: High o Auto

  • 1080P HD: High o Auto

  • 720p HD: Medium, High, o Auto

Tandaan:Para sa mga network na may iba't ibang bilis ng pag-stream, posibleng mapilit ito na gumamit ng partikular na bilis kapag gumamit ka ng ibang setting na iba sa Auto – na maaaring makatulong sa video quality. Kung magdudulot iyon ng pag-buffer o pag-freeze, ibalik ang setting sa Auto.

Tandaan: Gumagamit ng mas maraming data at posibleng gumagamit ng mas maraming kuryente ang pag-stream sa mas mataas na video quality. Tingnan ang Paano makontrol kung gaano karaming data ang ginagamit ng Netflix.

Nanonood ka ba sa computer o mobile device? Baka kailangan mong i-check ang ilan pang bagay. Tingnan ang article para sa device mo para sa iba pang impormasyon: Windows, Mac, Android phone/tablet, iPhone/iPad.

Kung sinunod mo na ang lahat ng step pero hindi mo pa rin nakukuha ang video quality na gusto mo, makipag-ugnayan sa manufacturer ng device mo.

Mga Kaugnay na Article

Mga Kaugnay na Article

Kailangan mo pa ba ng tulong?

Makipag-ugnayan sa Amin