Mga phishing o kahina-hinalang email o text na nagsasabing galing ang mga ito sa Netflix

Kung makatanggap ka ng email o text message (SMS) na hinihingi ang email, phone, password, o paraan ng pagbabayad ng Netflix account mo, malamang na hindi ito galing sa Netflix. Nasa ibaba ang mga tip para sa pagtukoy at pagtugon sa mga kahina-hinalang email at text para panatilihing ligtas ang account mo.

Paano malalaman kung sa Netflix talaga galing ang isang email o text

• Hindi namin hihilingin sa iyo kahit kailan na i-share ang personal information mo sa isang text o email. Kasama na rito ang:

  • Mga credit o debit card number

  • Mga detalye ng bank account

  • Mga password sa Netflix

• Hindi kami hihingi kailanman ng bayad sa pamamagitan ng 3rd party vendor o website.

• Kung may link ang text o email papunta sa URL na hindi pamilyar, huwag itong i-tap o i-click. Kung nagawa mo na ito, huwag maglagay ng kahit anong impormasyon sa bumukas na website.

Ano ang dapat kong gawin kung nakatanggap ako ng kahina-hinalang email o text?

Hindi makakakuha ng impormasyon sa iyo ang mga scammer maliban na lang kung ibibigay mo iyon sa kanila. Kaya huwag i-click ang kahit anong link sa mga message o mag-reply sa kanila.

Paano kung nag-click na ako ng link o nagbahagi ng personal information?

• Palitan ang password mo sa Netflix ng bagong password na mahirap hulaan at para lang sa Netflix.

• I-update ang password mo sa anupamang website o app kung saan ginamit mo ang parehong kumbinasyon ng email at password.

  Tandaan: Para panatilihing secure ang mga account mo, pinakamabuti kung hindi gagamitin ang parehong kumbinasyon ng email at password para sa kahit anong website o app.

• Makipag-ugnayan sa pinansyal na institusyon mo kung may inilagay kang kahit anong impormasyon sa pagbabayad dahil baka nakompromiso iyon.

• I-forward ang message sa phishing@netflix.com gamit ang steps sa itaas.

Paano kung may makita akong website, app, o phone number na nagpapanggap bilang Netflix o Customer Service ng Netflix?

1. Huwag mag-click ng anumang link o magbigay ng anumang impormasyon sa website o app.

2. Magpadala ng kopya ng phone number, link sa website, o app na nagpapanggap na mula sa Netflix sa isang email sa phishing@netflix.com.

Ano ang pinakamagagandang paraan para mapanatiling ligtas ang impormasyon ko?

Mag-ingat sa tuwing makakatanggap ng email o text na humihingi ng personal information.

• Huwag i-click ang link kung hindi ka sigurado; dumiretso na lang sa website ng kumpanya.

• Huwag magbigay kahit kailan ng personal o sensitibong pinansyal na impormasyon sa email.

• I-check ang address ng nagpadala para makita kung mukha itong lehitimo.

• Sa computer browser, mag-hover sa kahit anong link at i-click para makita ang URL. Tiyaking papunta ang mga link sa kung saan mo inaasahan.

• Mag-install ng anti-virus software para matulungan kang protektahan ang mga device at personal information mo.