Accessibility sa Netflix

Sa Netflix, gusto naming mag-enjoy ang lahat sa magagandang kuwento, anuman ang kanilang wika, device, internet connection, o kakayahan. Kaya nag-aalok kami ng maraming iba't ibang accessibility feature na nakaayon sa international na pamantayan sa accessibility at angkop na batayang legal.

Nag-aalok kami ng maraming accessibility feature, kasama na rito ang suporta para sa mga assistive technology gaya ng screen reader at listening system, paggamit ng built-in feature sa mga device tulad ng Apple at Android, at sarili naming mga tool, kasama na rito ang kakayahang i-customize ang subtitles at closed captions sa TV at i-adjust ang bilis ng playback sa mobile.

Bukod pa sa regular na pagsubaybay at pagpapaganda sa mga accessibility feature, humihingi rin kami ng feedback sa mga member at grupong nagtataguyod sa accessibility at kapakanan ng may kapansanan. Mag-scroll sa ibaba ng page na ito para ibahagi ang feedback mo.

Available ang mga sumusunod na accessibility feature para sa mga taong may pangangailangan sa pandinig, paningin, o pisikal na pagkilos.

Mga assistive listening system

Puwede kang gumamit ng maraming uri ng assistive listening headset, hearing aid, headphone, o neck loop para pakinggan ang mga TV show o pelikula mo.

Mga audio description

Maraming iba't ibang TV show at pelikula ang Netflix na may mga audio description, na nagbibigay ng dagdag na detalye tungkol sa nangyayari sa screen, kasama na rito ang ekspresyon ng mukha, pisikal na kilos, at pagbabago sa eksena.

Mga kontrol sa brightness

Puwede mong dagdagan o bawasan ang brightness ng TV show o pelikula kung pinapanood mo ito sa mobile device.

Mga kontrol sa font size

Puwede mong palakihin ang font size sa Netflix app, i-update lang ang settings ng font size sa iOS o Android mobile device mo.

Mga keyboard shortcut

Kung nanonood ka ng Netflix sa computer mo, puwede mong gamitin ang list ng mga keyboard shortcut na ito para kontrolin ang settings gaya ng play/pause, rewind, fast-forward, pati na rin ang screen size at volume.

Mga kontrol sa bilis ng playback

Puwede mong dagdagan o bawasan ang bilis ng playback ng TV show o pelikula kung pinapanood mo ito sa mobile device.

Mga screen reader

Puwede mong i-navigate ang Netflix gamit ang maraming karaniwang screen reader na kayang magbasa ng text nang malakas.

Subtitles at closed captions

Puwede mong palitan ang font, size, shadow, at kulay ng background ng subtitles (dialog na ginawang nababasang text sa screen mo) at closed captions (dialog, at paglalarawan ng mga tunog na naririnig mo sa TV show o pelikula).

Mga voice command

Puwede kang maghanap at mag-play ng mga TV show at pelikula sa Netflix gamit ang mga voice command na may voice-enabled remote control o voice-activated assistant.

Palagi kaming naghahanap ng feedback sa accessibility. Makipag-ugnayan gamit ang boses o mag-chat sa customer support, gamitin ang aming tool na Mag-report ng Problema o sagutan ang nakatalaga naming form para sa Feedback sa Accessibility. Pumunta sa paraan kung paano magbahagi ng feedback kaugnay ng accessibility para alamin pa.